回歸香港日 : 14 Feb 2009 (情人節)
航班 : 札幌 (新千歲) 13 : 45 à 東京 (成田) 15
: 25
東京 (成田) 18 : 40 à 香港 22 :
50
今日要返香港啦 ! 大家拖咗沉重的腳步, 再加個沉重嘅29"喼回航 ... 酒店好近火車駅, 一條直路便到, 不過今日乜都好重,
都拖咗一陣子...
一心一意去到機場再博殺嘅我哋, 只要等多一程車嘅時間, 就可以回魂架啦 ~
唯有忍忍先, 費事拎餐死...
先到 counter check in, 放抵5件麻煩嘢先 ~ 當地地勤好醒目, 知道我哋返香港, 問都唔駛問,
便將我哋五件麻煩嘢自動係成田轉機送返香港, 唔駛我哋係成田拎返咁麻煩.
我的行李重量全面睇 : 去程 - 14.1g à 回程 -
21.5kg + 手提 2.5kg
{ 爆磅, 超重了 (每人只限 20kg) , 好在合共無超重, 唔駛補水 }
Take Action !! 行動正式開始 !
噢 ... 你睇多到 ... (每一限買3盒)
呢邊戰情仲誇張, 每一限五盒, 其實只係一個上午, 我都見到店員不斷補貨,
所以大家係札幌買唔到嘅朋友唔駛擔心, 呢個機場仲鬼多. (極大可能啲存貨要供應比機場, 之所以札幌先配給得咁少咋 .. 我估 !? ) 掃貨啦,
香港人人人人人人人人人
又見到我的至愛 - Snaffles Cheese Omelette
真係食極都唔厭. 即使要係成田轉機返hk, 我都買咗兩盒, 其實店舖都列明個乾冰袋只可以 keep 7小時, 我都要博一博,
返到屋企馬上放入雪櫃. 第兩日先食, 味道都 keep 得住 !! (最重要係無肚痛, 無肚屙)
註 : 日本時間中午約 12:45 點買,
香港時間約零時返到屋企. 攞咗約10小時.
我淨係試食都食咗成個呀 ... 1/4 + 1/4 + 1/4 + 1/4 = 1個 (經過咗4次), 至於其他兩個口味 (朱古力 or 新千歲限定), 無乜特別, 我不大欣賞.
呢款酪農芝士布甸, 試食過後, 發現真係好好味, 差啲想買返香港 (但實在唔想再拎)
總結 : 機場可以買手信的店舖, 真係多到嘔, 大家不妨預多少少時間係呢到博殺, 之前忍手唔想再拎,
嚟到呢到, 寄好行李後, 又可以再放肆一番啦 ~
我哋已經行咗好耐, 終於要上機啦 !
呢班內陸機, 機艙真係細到嚇死人, 喃嘸阿隬陀彿, 要平安到達東京呀 ... 飛行時真係遇到個大気流,
唯有扮作無事啦 (但個心好驚 ...) 最終安全到步, Safe !
最慘啲外國人, 身型個個都咁高大, 仲要將自己屈埋係個超小嘅座位, 睇見佢地坐得真係辛苦囉...
都成下午三點幾, 又要開飯啦 ! 隨意揀咗呢間食烏冬. 不過 ...
我次次都覺得去完北海道返到東京, 啲嘢食總覺好難入口, 呢次又係, 填咗個肚就萛囉.
不過個 View 又幾得喎 ! 補返條數啦 ~ (日本時間 16 : 54)
食完馬上行咗出去影相, 視野清晰 ~
好耐無睇過日落, 仲要第一次係東京睇到. 謀殺了不少 Memory Card !
好彩未夠時間上機, 我就咁係到睇到全日落啦 ...
沒有留言:
發佈留言