日期 : 13 Feb 2009 (五）
酒店包早餐, 只得兩款任揀 (甜蛋唔啱食!), 食飽就萛, 馬上出發.
今日終於用得着之前買咗嗰張"小樽-札幌嘅Welcome Pass", 其中一張札幌市內任坐嘅地鉄車票,
所以可以隨時由東去到西, 由南去到北都得囉.
第一站 : 二条市場
主要嚟買手信, 如 : 即食元貝等乾貨. 呢處比起釧路真係平好多, 馬上入貨 !
強力推介 - 乾貨手信入貨點 (有折扣, 可還價, 正 !)
如果你想還價, 又不懂日語的人仕注意, 你可以用計數機, 篤返你想要嗰個價比老板睇, 佢哋就知你想點架啦, 大家都係聰明人嘛
!
至於濕貨, 唔買都行嚟睇吓, 不過一睇之下, 相比釧路, 呢處真係好鬼貴. 不大建議 !
繞咗一個圈後, 離開二条市場, 去到第二站 - 狸小路
基本上嚟到狸小路, 漫無目標一路行就一路睇, 見手信店, 又嚟指定動作, 入去睇睇
見到成日都好似要配給嘅大人気卡樂薯條, 發達囉~ 馬上入貨 ~ 等我幫你間舖清埋佢啦, 無死囉. 有咁多
...
行到呢間, 旅遊書話有折扣, 又係入貨點, 馬上入去睇睇, 見到出面咁多香港旅行社嘅招牌, 就知道呢間就係旅行團指定手信供應商啦 !
 |
| 強力推介 |
馬油 (手, 身用) - 朋友叫買返香港 (淨係見過呢間有) 梗係要入貨, 任務完成, Yeah
~
價錢 : 2100円 x 9折 =1890円 (80g)
店員用廣東話介紹比我哋知, 呢款馬油仲正, 成份靚啲 (含Q10) , 手, 身, 面可用. Size 係上面嘅 double,
所以價錢貴啲, 但兩者啲平均價, 冬虫夏草馬油勝出 ! 各人馬上入貨.
強力推介, 朋友用後都強力推介 (揸上面唔油), 因為我買嗰缶讓咗比有需要嘅人仕, 唔該大家再去的話, 幫我買缶返香港.
價錢 : 3990円 x 9折 = 3591円
我亦買咗以下沖涼液, 不過留返下年冬季先至用.
呢間嘢, 價錢都幾平, 因為佢哋將標出嘅街價, 再打9折, 仲要免稅, 所以真係平過出面街. (出面街就間間都係標出嚟嗰個價,
再加稅) 除咗以上介紹嘅產品, 仲有其他手信及食品. 但種類不太多. 不過店員 (只有一個識講流利廣東話) 以為我哋係某某旅行團嘅團友, 先至打折比我哋,
我仲同佢講 : 乜跟團先有折架咋, 啲旅遊書話你哋街客都有9折扣架喎, 店員話街客應該無折架, 不過都打9折比我哋喎, 都係唔真定假 ?
不過我覺得佢哋都係想做生意嘅啫, 同佢哋講下, 應該個個都可以打折嘅 ~
我哋一個壞習慣, 都幾變態, 就係喺藥買完啲嘢, 遇到其他藥房, 好鍾意入去夾價, 點不知, 發現一間就平過一間, 無錯 !
間間都係咁, 唔知點解咁邪 !
好似以下藥膚, 我要幫朋友買回港, 發現呢間係全札幌最平架 (可能是"本日限"嘅関係), 但我咁有 heart,
梗係一早己幫老友入了貨, 可惜 !
之前網上見過有推介過呢間, 即管入去睇睇咩環境 ~
唔係卦, 咁夠運, 又比我睇到, 又要入返少少先. 唉 ... 買夠好收手啦 ~ 朋友 ~
離開狸小路, 我哋又去咗行某某百貨公司嘅地庫行超市, 見到六花亭, 發現呢個
counter有好多散賣貨仔, 各人揀了一款試先 ... 味道真係 very 普通 !
又經過 MOS Burger, 一團友想食, 咪食囉 ... go go go ...
唔覺特別, 又係頗普通 ~
基本上, 每蓬藥房, 我哋都會貢入去睇下有乜嘢啱, 又係行唔厭嘅好地方 ?!
發達囉. 呢間有好多嘢賣呀, 仲要好平, 真係慘, 我哋又要入貨啦 ~
 |
| 強力推介 |
以下就是大約位置 : Mos Burger 附近
行到癲咗, 要返酒店冷靜下先, 放好所有戰利品, 又要向另一邊出發 ... 無錯, 睇到以下相片, 就知道又係放飯時間. (報時 :
3:30pm, 我哋午飯時間)
 |
| 超級強力推介 |
Shopping 原來可以唔識餓架 ~ 最終我叫咗一客 Lady Set !
咪睇客沙律平平無奇呀, 我真的覺得是全程最．最．最好味架 !
 |
| 超級強力推介史上最好味 - 沙律 |
這款是我的, 好好味架~
團友的, 試食過, 都好味 !
餐後, 還有雪糕, 都好好味, 一啖都無淨 ! 清埋 ~
乜都清晒 ~ 呢餐真係 good good good ~ (埋單 : 6900円/5人）超抵
~
又要搵個地方幫助消化一下先 ! 坐地鉄去 Sapporo Factory ! 行咗去2条館.
最終全團人, 只買了一件 Nike 外套, 都叫有收穫 ~ 離開時有雪, 都幾密. 急步走
...
報時 : 晚上8點多, 又要坐返地鉄去薄野, 薄野當時不是落雪, 但是落雨 ... 仲衰多兩錢 !諗住去食鰻魚飯, 點不知迷失了路, 走入了札幌的紅燈區, 啲路越嚟越唔妥, 有啲驚, 行咗好耐, 都搵唔到, 諗住行返出啲光明大路再搵, 雨勢幾大, 唯有派兩名飛虎團友行快啲前去睇睇,
如果仲搵唔到, 決定放棄 ... 點不知 ! 正當要放棄之時, 就比我哋發現呢間死人嘢 ... 位置好唔起眼, 都係比佢激死 ...
 |
| うなぎ二葉 |
各人叫了一客 - うな重 上（きも吸付）@2500円
味道真的不是太好, 所以我哋明白了一些事情 ... 食鰻魚 ! 都係名古屋啲好食 !
食完離開, 外出又落雪, 無錯 ! 已經變咗雪啦 ~
要返酒店啦, 今晚要執拾行李, 明天要返香港啦 ~
沒有留言:
發佈留言