日期 : 11 Feb 2009
(三)
阿寒定期観光バス - ホワイトピリカ号【摩周湖・屈斜路湖・阿寒湖をめぐる１日コース】
運行期間 : 2009年2/1(日)
～3/15(日)の土・日・祝のみ
所要時間 :
8時間40分（釧路発着）
料金 :
|
大人4,500円 小人2,250円（いずれも釧路発着）
|
路線 : 釧路駅前(8:30発) ～ MOO(乗車可8:35発) ～ 釧路プリンスホテル(乗車可8:35発) ～ ※鶴見台～ ※摩周湖第１展望台～ ※硫黄山～ 川湯温泉(下車可11:55着) ～ ※砂湯(昼食・白鳥鑑賞) ～ ※阿寒湖畔(自由時間80分、冬体験、温泉入浴等・下車可14:10着) ～ 釧路空港(下車可16:25着) ～ 釧路駅前、MOO、釧路プリンスホテル(17:10頃着)
* * * * * * * * * * * * * * * * * *
* * * * * * * * * * *
今日對我嚟講, 真係全程最輕鬆的一天,
因為我哋會坐"阿寒觀光巴士"遊覽幾個自然景點, 再唔駛趕頭趕命.
由於觀光巴士於8:30出發, 我哋要早點去到釧路駅旁嘅Bus Terminal買車票, 好近我哋酒店,
步約10分鐘就到, 位置就在Super Hotel地下, 好易搵到. 車嚟就要馬上開車.
主要景點 : 鶴見台 à
摩周湖第1展望台 à 硫黃山 à
屈斜路湖(砂湯) à
阿寒湖畔
買好車票, 送你一份小册子連阿寒湖冰上活動割引劵.
全車只得10餘人, 一眼睇晒. 所以我哋1人可霸兩個座位, 相當寬敞 !
第一個景點 : 鶴見台 - 丹頂鶴 (國寶級受保護動物), 呢到好多國寶呀 ~
唔知係咪見到我哋嚟咗, 馬上散水 ... 飛呀, 有咁遠飛咁遠呀 ~
第二個景點 : 摩周湖 - 呢到好凍, 寒風刺骨, 全程最冰凍的地方, 我都頂咗好耐,
終於影完相就馬上返入室內嘅暖氣地方. 差啲凍病 ... 但風景真係好靚, 凍啲都值得嘅 ...
第三個景點 : 硫黄山 - 遠遠落車都聞到燶燶嘅硫黄臭味, 我哋仲要行去最臭嘅地方睇睇究竟係乜家科添
....... 原來無乜特別, (因為我乜都睇唔到) 嘥晒我啲腳骨力 !!
一片濛查查, 其實我哋嚟睇煙就真 ?!
第四個景點 : 屈斜路湖 (砂湯) - 第一次見到咁多天鵝, 不過佢哋叫到好嘈,
但我都踎咗好耐影相.
遠望風景好靚, 再加上鏡頭前有大量天鵝, 我不斷謀殺緊啲 memory card 呀 ~
行遠啲, 無咁嘈 ~ 照影 ~
仲有熱湯比人浸腳, 天寒地凍, 咪玩啦 ~
原本大會安排呢個時間於放飯, 但我哋決定去到下一站阿寒湖先至搵食, 所以係砂湯食住雪糕頂住先, 確實好味喎
~
從店舖提供嘅相片中, 發現很多名人都食過, 原來相當人気 ! 不過要成400円, 真係貴咗啲.
但其中一團友話同香港嘅OK便利店賣的, 差唔得幾多, 吓 ... 乜OK都有咁好味咩 ? 我確有懷疑 ?
香港賣幾蚊雞咋喎 ... 所以直到現在, 依然懷疑 .....
第五個景點 : 阿寒湖 - 以下白濛濛一片是什麼 ? 咪就係阿寒湖嘅湖面, 因為全湖結冰,
所以可以企係湖面, 不過周圍都幾大風, 真係好凍. 睇下望下, 影完相就走去開飯囉.
仲有啲人係冰上釣魚, 佢哋真係唔怕凍, 我哋就無佢哋咁有閒情逸緻啦. 馬上走人 ~
開飯啦, 網上搵咗好耐, 先搵到呢間鄉村料理"奈辺久 (原於1965年), 原來歷史好悠久架.
 |
| 奈辺久 (原於1965年) |
わかさぎ天ぷらそば (公魚天婦羅蕎麥麵) -1050円
わかさぎ天ぷら定食 (公魚天婦羅定食) - 1050円
公魚 - 阿寒湖有名特產, 各人都讚不絕口, 公魚天婦羅真係好好味架 !
~ 強力推介此店 ~
飯後, 見仲有時間, 就行吓阿寒湖商店街, 幾條街連人影都唔見, 究竟啲人去晒邊呢 ? 聽啲網友講,
阿寒湖係夜晚先至多人架. (因為冬季晚上有個熱鬧嘅嘉年華會, 會吸引好多人出嚟架 !) 條街好悶, 無嘢啱睇, 決定回程. 返上巴士.
坐咗成粒鐘, 行程完滿結束 ! 返到釧路. 我哋又去咗和商市場同埋超市入貨呀 ~
跟住去咗炉ばた 煉瓦食大餐 - 釧路人気必食爐端燒. 只不過是18:30, 天就黑晒.
 |
| 炉ばた 煉瓦 |
入到去, 睇到啲食物, 心情好興奮, 睇落呢餐應該好和味 ~
叫咗以下兩 Set, 一齊 Share 嚟食.
另加兩隻特大帶子 (430円 x 2)
埋單合共 : 10960円
這兩個係炸過嘅糯米團
仲有飯團, 全部都係網上燒 ~
唔等人啦, 開餐啦 ~
特大帶子, 超級鮮味, 雖然價錢同小樽食過嘅差不多, 但味道就好味好多 ~ 真係食落啖啖肉, 你睇 ... 從未食過咁厚嘅帶子呀
...
碳燒生蠔, 好味 ~
特別要提以下呢條我哋簡稱為 "開邊魚"的"一夜干", 真係好好味, 香港食唔返. 咪睇條魚燒得咁靚,
其實我哋燒咗一陣, 就有店員行埋嚟, 問需唔需要幫手, 我哋梗係叫佢幫我哋燒晒啲海鮮啦. 佢哋真係燒得好專業, 燒得又快, 又靚, 又好味.
(我哋嗰啲就燒得又乾又燶!)
~ 強力推介此店 - 必食特大帶子, 一夜干 ~
實呢兩個餐, 我哋五個人都食唔晒, 真係好飽, 飽到上心口, 最終放棄咗啲糯米團同埋燒飯團囉, 個胃已經好滿足, 好彩可以慢慢行返去酒店啫,
又可以借故消化一下, 返去仲有飯後果添喎, 你話我哋係咪好過份.
是日分享 :
阿寒觀光巴士 : 路線每年更新, 主要分夏．冬兩季, 並不保證年年相同, 但行程大同小異, 所以大家務必留意當時最新的網頁發佈.
另部份路線是"乗車予約制", 可直接於網站提早預約. 購票時一同出示"確認書"便可. (真係有啲網友因為今年有條路線停咗, 搞到佢地陣腳大亂,
不過總有方法補救嘅... 麻煩啲囉, 所以不可輕視 !)
當時我都等咗好耐, 10月打後, 差不多日日都走去check吓個網站有無更新, 因為我要根據佢哋嘅路線先可以編寫當日及之後嘅行程究竟點安排, 影響都幾大架 ! 真係等到花兒也謝了...... 好彩最後都有保留我哋嘅目標路線.
其實當時如果真係夾唔到觀光巴士的話, 我亦有另一手準備, 不過成本較貴. 網上查到 - 阿寒ハイヤー (観光タクシー) 簡稱 "觀光的士", 該網站提供唔同嘅觀光路線, 同時亦可以根據你自己想去嘅行程及路線報價, 當然價錢會貴啲, 但路線就可隨心所欲, 主要方便大家去啲交通勁唔方便嘅人気景點, 就正如我哋今日去過嘅地方. 事前由於時間上配合唔到該巴士的行駛日 (土・日・祝のみ), 我亦嘗試過要求報價, 講起嚟都覺得對唔住佢哋, 因為我成日修改行路, 前前後後問咗三次, 又成日催促人家回覆, 但最後又無幫襯, 真係唔好意思. 所以係到幫呢間公司宣傳一下, 希望大家用得着啦. (網站含英文翻譯, 但內容不多, 建議參考日文原文版, 資料非常充裕, 詢價時可用英文, 最好附加日文, 清楚好多.)
沒有留言:
發佈留言