日期 : 12 Feb 2009
(四)
行程 : 釧路 (8:39發) à 札幌
(12:14着)
行程終於接近尾聲, 再無景點遊覽, 餘下時間只有兩個指定動作, 就係 "食嘢" + "買嘢".
今早火車由釧路返回札幌, 呢班火車其實早於 6 Feb 2009 出票, 當時已經非常爆滿, 所以我哋五個全部要打散嚟坐, 還好各團友的坐位距離不遠.
都可互相照應, 幾乎全程瞓覺. 車程約3.5小時.
釧路駅內的收費Locker (可以放29"喼) |
車廂內越瞓越熱, 因為外面太陽高高卦, 想佢出嚟就唔出, 唔要佢就死出嚟 ~
到咗札幌, 已經中午, 先到酒店放抵行李, 繼續行程.
瞓醒之後, 又要開飯, 終於可以食餐番真真正正嘅海膽飯, 食店距離酒店好近, 位置於大廈地庫.
函館うにむらかみ (札幌店) |
唔駛多揀, 異口同聲都係 - 海膽飯, 原來有兩個份量選擇, 因為仲要留肚要食其他嘢,
所以叫咗五客size減半嘅海膽飯. (仲可以慳返950円添喎)
海膽飯嚟啦, 睇真啲份量都幾細, 對我哋嚟講絕對無問題, 食完之後, 開始後悔叫咗客細size,
其實以我哋連日來嘅腸胃訓練, 對於大家嘅消化能力, 真的不用擔心, 正常份量基本上都無有怕.
噢 ! 海膽多過飯, 係咪好羡慕呢 ~ (其實2月並不是食海膽的當造季節, 最好6-8月前往,
必定仲正呀!) 不過當日的海膽都相當美味, 下次再去的話, 必定叫客大份量架.
食完海膽飯後, 四周圍行下睇下幫助消化, 去咗丸井今井, 三越, 東急, 西武等等, 專攻地庫超市及食店, 真係睇極都唔厭 ~
世界一蘋果 - 有幾好味我唔知, 但就真係好貴 ! 可能係世界第一貴嘅蘋果就真.
見到北菓楼, 梗係要試下當店嘅人気泡芙
路經大通公園會場, 是日雪祭剛剛完满結束, 大會馬上鏟走各具雪像.
又走咗去 ESTA - Bic Camera, 四圍貢下, 自從去完美瑛影相後,
發覺部傻瓜DC真係唔夠用, 好想用 Manual, 但又唔想攞咁大部機出街, 所以 Prosumer 機就好啱我. 團友推介 Canon 剛剛出咗無幾耐嘅
G10, 啱晒我啲諸多要求嘅懶人用, 馬上走去睇睇真身先 ~
其實円貴, 係日本買乜都變咗好貴 ! (香港最平行貨約 $35xx )
又見到另一間北菓楼, 才發原呢個先係真真正正嘅人気泡芙 - 夢不思議 ! 之前食鬼錯咗添, 咁宜家 ...
又要買多個嚟食添. 呢個真係好味啲喎 ~
行到好攰, 返咗酒店抖抖, 放低啲戰利品後, 又再出動. 不知不覺又到放飯時間.
ばりきや .博多拉面 |
先於自助食券機購票, 再交比店員.
枱上提供無限量配菜, 好好味, 尤其是芽菜同酸菜, 我加咗好鬼多 ... 哈哈 !
有嘢食啦 ! 傳統超濃豬骨湯底嘅博多拉面, 好味 ! (點解係札幌會食博多拉面嘅??!!)
吃飽飽後, 終於要返酒店梳洗休息, 明天又要外出博殺 - 終極喪買日.
SAPPORO OAK HOTEL (札幌オークホテル) - 雙人房 |
原本今次購買 package 為2間雙人房 +1間單人房, 但經我多番直接向該酒店要求及配合,
終於可以將1間雙人房及1間單人房, 改為一間三人房, 真想講聲唔咳晒 !!
三人房 (雙人床 + 單人床) |
梳洗後, 又要開餐, 呢個係我嘅至愛 : Snaffles - cheese omelette, N年前食過, 一試難忘, 故地重遊, 不會放過 ...... (如果大家没有安排到函館的話, 可於札幌駅的KIOSK札幌西店及新千歲空港購買)
強力超級大推介 - 函館人気名物 |
當然唔少得我哋每晚都有Keep住食蘋果啦 ~
沒有留言:
發佈留言