2009北海道 Day 5.1 - 破冰船, 我嚟啦 !

日期 : 10 Feb 2009 (二)

程 : 網走 (破冰船) à 北浜駅 {流冰号} à 知床斜里 {JR觀光巴士} à 標茶 {冬之濕原号} à 釧路

網上有話, 成功坐破冰船的機會率, 只是50/50, 但我嚟北海道的最大目的已達, 所以不太擔心, 即使坐唔到, 都會繼續餘下行程.

因為預約晨早加班船8:00開船, 所以又要好好好早起身, 一早係酒店房間進食噚晚係LAWSON買嘅便利早餐, 好快食完就出發. 酒店 10:00 check out, 可以坐完破船先返嚟攞行李離開.

 

一大清早, 由酒店窗口望出去, 無遮無擋, 風景還好 ! ( 最重要係無風無雪!! )

Victoria Station - 正正係酒店對面, 是個不錯嘅選擇.

東橫 Inn - 網走駅前, 位置超方便, 剛剛去年開業, 設施超新淨, 可惜没三人房 !

我哋坐 8:00am 臨時加班破冰船, 所以要坐 7:25am 臨時加班巴士到碼頭. 原先仲以為一定要坐的士添, 真係多謝網上寶貴嘅資料提供. 令我哋可以慳返不少.

巴士來了, 巴士站有9成係香港人, 網走係遇到最多香港人的地方.

巴士坐咗8分鐘, 好快到碼頭.

終於親身見到破冰船, 此刻心情, 才開始興奮起嚟.

呢嚿真係海面嘅浮冰嚟架, 好大架 ~

  

五張破冰船船票 (原價 @3000円, 經酒店預約後 9折 @2700円) 要上船啦 !

https://www.ms-aurora.com/abashiri/index.html

由頭到尾全程無坐過呀 ~ 梗係啦, 我哋成粒鐘係船板食風嘛 ~

上到船板, 遠望碼頭對岸美景, 周圍十分寧靜 ~

一大群海鷗跟住我哋出海破冰, 佢哋以為有得食, 但船上有指示 : 請勿餵飴, Oh sorry !

影咗好多張相, 才有以下呢張比較見得人, 真係影到雙手都冰硬晒, 全無感覺啦 ~

終於見到一大片冰海啦, 場面真係好壯觀 !

雖然啲冰唔太厚, 但可以成功出海, 我哋已經好幸運架啦 ~

真係好想用手篤下佢呀...

船程一小時, 真係過得好快喎, 要回航啦 ! 此刻有啲唔捨得 ~

返到碼頭, 要落船啦, 趕下個行程囉 ~

落船後, 發現嚟咗好多旅遊車泊咗係到, 好彩坐早咗一班船, 唔駛同佢哋迫 ~

踏巴士返回網走駅, 回酒店攞行李向下一站出發 ! 酒店啲人好親切, 送咗啲名牌朱古力比我哋食, 仲有杯熱茶, 真係感動到飛起 ~

要離開網走啦, 我哋終於要出監啦. 有無火盤呀 ~ 

真係要說 bye bye 了 ~

~ 續 ~

是日分享 :

係破冰船船板食風, 食足一粒鐘, 係北海道全程最凍嘅時候, 仲要影相, 雙手都已經凍到薑晒, 一啲感覺都無, 但都要死頂, 因為機會難得, 萬一出事先再萛 ! 但如果乜都影唔到, 對於我嚟講, 就真係出事啦. 所以即使凍傷雙手, 我都心甘命抵, 值得的, 值得的.