離開佰年老店後, 唔敢行得太遠, 驚死被扒手睇中, 便走附近的 Plaza Mayor 主廣場, 曬曬太陽, 散散酒氣, 影下靚相...
原來呢個廣場以前好巴閉吓, 曾經舉行過盛大祭典, 鬥牛, 審判, 行刑, 國王的宣誓儀式及婚禮, 真係好利害架...
都唔明西班牙點解個個廣場, 必定有個勇士騎住匹馬係到坐鎮嘅 ... 係咪歐洲好興架 ?
廣場另一邊, 有街頭畫像, 不過唔係好覺有遊客幫襯 ... (慘...)
行完這個廣場, 酒氣已經散得七七八八, 又可以繼續走更遠嘅路, 見到周圍得意嘅嘢, 我哋都影一餐, 好似驚死蝕底咁...
見到西班牙的甜品, 千萬不要期望, 因為只有日本的甜品才能滿足到大家...
行咗一段路仔, 差不多下午四點幾啦, 到咗今日最後一站 Palacio Real 王宮, 真係天地有正氣, 就連空氣都清新一啲...
眼見四周都被藍天白雲包圍住, 真係前所未有嘅滿足 ...
係呢到影相, 真係影得好爽, 因為每張相都係藍 + 白 ....
唔知點解 ... 人永遠係最開心嘅時候, 往往有些意料之外嘅事情發生, 我們亦不例外...
唉 ... 王宮居然一連四日都有官方活動, 所以暫停對外開放, 這個被譽為馬德里市內最漂亮的建築物, 其內部更設計得金碧輝煌, 貴麗豪華, 真係好吸引架嘛, 點解要四日後先開返, 最慘四日之後, 我哋都去咗巴塞隆納, 又點再嚟呢 ... (真掃興...)
事實就是事實, 要走的終須要走... 那唯有在王宮外圍影多幾張靚相補數...
後會有期, 再見...
懷着少少不甘心嘅腳步, 走到王宮附近的修道院參觀下, 見無乜特別, 好快走人...
Real Monasterio de la Encarnacion 皇家化身女修道院 |
Plaza de Espana 西班牙廣場 |
由落機直踩到呢一刻, 都好似無乜真真正正休息過, 其實大家已經好攰, 但個肚都依然好飽, 所以回到民宿, 到超市入點貨, 煮過簡單的晚餐, 洗個白白後, 便馬上休息,
因為明天嘅行程, 對我嚟講係好重要架...萬一失手, 行程就要馬上改寫... 所以明天要早早早起呀... Good Night !!
沒有留言:
發佈留言