日期 : 11 Jun 2010 (Fri)
行程 : Madrid 馬德里 > Consuegra 康斯埃古拉 > Toledo 托雷多 > Madrid
今日要去兩處景點, 一個係我整個旅程其中一個好期待嘅地方 - Consuegra 唐吉訶德風車村.
我花咗好多好多時間係網上搵料, 尤其係交通, 來來回回好幾次, 由於網上資料不太全面, 有部份又唔係好肯定, 再加上巴士班次不多, 所以自己對於當天的行程, 亦無十足把握.唯有 ... 當天盡早出發, 如有錯誤, 也有時間來補求.
首先安排上午到 Consuegra 遊覽, 下午再前往 Toledo, 這樣會較為順路, 乘車時間也相對減少, 所以我哋一定要準時登上早上唯一一班的巴士 9:00am 由馬德里開出, 到達Consuegra 約 11:10am. 否則, 當天第二班已是下午 2:00pm, 根本不能趕得上已安排好的行程, 加上我又唔係好知去邊到買車票, 更加唔知係邊到上車, 所以我都幾驚 ... 去唔到架...
只知巴士站在 Mendez Alvaro 地鐵站找到.
晨咁早由民宿出發, 坐地鐵到 Mendez Alvaro 站, 點不知一早已經開始錯, 我地坐咗另一方向的地鐵, 還好嗰條係巡環線, 不用轉線, 但遲咗到達目標地鐵站, 終於好趕咁出閘, 沿指示搵巴士站, 上咗一層, 見到好多巴士站頭, 咪用人地唔識嘅英文+貓紙問人... 問咗兩個單位, 佢哋都唔清楚, 嘥咗好多時間, 其中有個西人仲話唔係喺呢個地鐵站, 點我哋去另一個地鐵站添, 好彩我有做功課, 知道佢會錯意, 講到錯晒, 最終好好彩, 比我哋見到個穿制服嘅西人, 一問佢, 佢就馬上答我哋上車站就係前面, 大家當堂定晒, 起碼知道無去錯地鐵站, 但見時間已差不多 9:00, 又唔知應該去邊到買車票, 個工作人員又好好心示意售票處要再上一層, 此刻心情, 就好似熱鍋上的螞蟻, 死啦死啦, 點萛好, 呢刻真係有啲騰 ... 於是我叫團友係到企定, 我唔理三七廿一, 馬上飛奔到樓上買4張單程車票, 好在我又做定貓紙, 售票員一睇到便立即收錢出票, 同時又見到櫃台有張西文寫上三個號碼, 我估計應該係巴士站的候車處位置, 同時售票姐姐亦估到我想問咩, 大家都好似好明白對方心諗啲乜, 真係幾搞笑... 接過車票, 便再次一支箭咁飛奔落樓下的巴士站會合團友, 走去候車處, 給伺機檢票後, 便馬上上車....
上車不久, 巴士立即開出, 真係好險, 幸好趕得切...
車程要 2 個多小時才到達 Consuegra, 今朝咁早出門, 大家便可以係車上瞓足2小時補返數 ...
一落巴士, 忽然下了一陣失魂雨, 搞到我哋要搵地方避避, 地面都變得濕透 ...
下圖位置就是Consuegar的下車站, 該處並没有巴士站牌, 大家請小心. 因為稍後前往 Toledo, 亦是在這裡上車的 ...
下車處的正正前方有道鐵橋, 過橋後便可入城鎮 ...
呢個城鎮四周都無乜人, 好靜下... 再向前行, 見到鐘樓及拱門... 進入了這個小小的 Plaza de Espana 西班牙廣場, 我哋又開始影相啦...
影咗一輪後, 又要繼續行程 - 尋找風車的足跡 ...
城鎮內全無指示風車的位置方向, 雖然已是早上11點多, 但四周繼續一片寧靜 ... 一個人影都無 ... 想問路都唔得 ... 根據手上簡陋的地圖, 決定沿着廣場最右手邊小路開始前進 ...
見樓梯就上, 都幾似我係網民見到嘅風車路方向 ...
Calle Avanzadilla 呢個街名似曾相識, 應該推萛正確 ... 繼續向前走...
終於見到風車啦~
仲唔比我搵到你 ... 今日上半場的最終目的地 Consuegra 風車群就在眼前... 好開心, 好興奮 ...
影咗一輪相, 我哋見到前無去路, 便馬上搵過另一條路再上風車群, 行返轉頭, 再向右邊那條路, 繼續尋找風車的足跡... 行 ... 行 ... 行 ..., 途中又出現一位好心人, 她用我哋唔識嘅西文, 示意我們要行返轉頭便見到風車, 但我地明明係由嗰到行到呢到, 又明明搵唔到路上去, 點解嗰好心人咁講呢... 但大家實在無共識嘅語言, 我哋解釋唔到比佢知我哋遇到嘅問題, 萛啦 !! 唯有再問她確認現在走的那條路是否可通往風車群, 她說可以, 咁我地就沿着那條車行的馬路, 一直走, 路很遠, 就當作行山了.
大家好快啲行啦, 時間緊迫, 我哋仲要趕下場架...
見到條馬路咁長, 真係有啲驚 ... 無法子啦, 唯有頂硬上啦 ...
整個 Consuegra 有11座唐吉訶德式的風車, 相當壯觀, 第一座名為 Molino Bolero, 是旅遊資訊中心, 亦可免費參觀風車內部結構. 我哋諗住最後回程先至參觀, 所以就咁影咗相, 再向前行... 因為要走向另一排風車群, 還有一段路要走, 只怕時間唔夠完成整個旅程...
與此同時, 我哋亦發現一件 ... 唉 ... 原來從 Molino Bolero 旁係有一條石級, 可直接由我哋最初見到風車那裡搭級而上, 根本不用費時從馬路那邊走上來, 怪不得那個好心人有那樣的舉動, 我哋不僅浪費了時間, 同時亦浪費了大家嘅氣力, 點解當時唔再行上少少呢 ... 真係激死人啦 ... 唉 ... 唉 ... 唉 ...
呢個角度望回城鎮, 又一番景象 ...
我亦事先問定團友會否內進, 但她們全無興趣. 這樣都好, 我哋又可以多點時間享受四周風車的美景...
眼見仲有一段漫長路才可以到達風車群的另一邊的盡頭, 也有團友欲想放棄向前走, 但在我強力要求下 ... 大家一齊繼續向前走 ... 努力, 加油, 努力, 加油 ...
終於步達風車盡頭處, 風真的很大, 連頭髮都被吹埋一邊. 當回頭一望, 景色又另一番味道...
係呢到逗留咗一陣, 又要趕住回程了, 畢竟由城鎮走到這裡, 全程真的花了不少時間.
所以再没時間到 Bolero 內進參觀, 確實有點可惜...
回程便依着 Bolero 旁的石級, 返回城鎮, 再走到原先下車的位置等候前往 Toledo 的巴士...
城鎮廣場另一邊的建築物, 頗有特色...
若錯過這班次的話, 下一班便要等到15:20, 實在太晏啦, 到時可能要取消當日如下的行程, 影響甚大...
所以我哋便向路人問清楚一點, 那個藍色衫的好心人, 原來佢都係等緊車架, 順理成章, 我哋咪一齊係到等巴士來臨, 見還有時間, 肚有點餓, 便拿出之前預備嘅乾糧頂頂肚, 去到 Toledo 先至擦餐勁...
等咗一陣, 又有架巴士出現, 呢架無錯啦, 見伺機點頭, 馬上向司機買票上車 ...
開車不久, 巴士又駛停到一個車站上落客, 這個便是我在網民相中所見到的巴士站, 原來係呢到喎...
好啦, 平安上咗車, 由 Consuegra 到 Toledo 車程1小時, 我哋又可以瞓啦 ~
沿路風景都幾靚架, 禁不住攞起相機影底佢 ...
Madrid > Consuegra 交通分享 : http://www.aisa-grupo.com/index.aspx
巴士站在 Madrid 的 Mendez Alvaro 地鐵站上層, 地鐵站位於 -2/F, 巴士站在 -1/F, 巴士售票處在地面的 AISA 窗口, 車站編號為 20, 21, 22, 當日我們在 21 號上車.
巴士公司 : AISA ; 票價 : 8,67€ (單程) ; 車程 : 2 小時 10 分鐘
Consuegra > Toledo 交通分享 : http://www.samar.es/
巴士公司 : SAMAR ; 票價 : 4,51€ (單程) ; 車程 : 1 小時
更新 : 11 Mar 2013
入到 SAMAR 官方網站, 請按以下步驟選取 :
Consulta de Hararios > Nacional > 再打上 Consuegra 及 Toledo > Consultar
巴士時間表馬上走出來, 如下 :
沒有留言:
發佈留言