2011北海道Day6.2 - 食在小樽@三角市場

2011年8月9日

 

JR [ 仁木 11:45 ...... 小樽 12:19 ] 440円

 

十二點半食中午飯, 應是整個旅程最早的一次, 因為車厘子食得唔多, 所以今餐又可以大擦一番 ~

返回小樽, 離開車駅向左邊走即見 [ 三角市場 ] 其中一個出入口, 該市場規模比一般乾濕貨市場規模較細, 頭尾一條街行晒, 約廿多間店舖就在兩旁, 售賣各類特產, 包括海產, 乾貨, 水果及食店等, 若有多餘時間, 也值一遊 ~

中午時份, 人流已變得渺渺可數, 好彩還剩幾檔仍未休息, 市場面積雖小, 但大家依然享受走到日本街市周圍行下睇下, 見乾貨店有免費試食, 我們也老實不客氣, 試夠才入貨 ~

 

 

[ 三角市場 ] 內食店選擇不多, 所以揀了店舖較大的 [ 武田鮮魚店 ] 直營食店 [ 味処たけだ ], 我見這間網上食評不錯, 料理種類也不少, 完全可以滿足大家貪心的食慾 ~

 

 

餐牌圖文並茂, 大家唔識日文都曉點菜, 由於款式太多, 為免耽誤時間, 最終由我來發板, 點了好幾款較有表代性的 ~

首先來客小樽必食的 [ 三角魚刺身 ] 這也是我初嚐的小樽特產, 魚肉較彈牙爽口, 口感新奇, 味道不錯 ~

 

三角刺身 1300円

 

再來一客 [ 螺肉及新鮮北寄貝刺身 ], 同樣係鮮甜味美 ~

 

活貝刺身セット 1500円

 

團友指定要試的 [ 毛蟹湯 ] 我依然興趣不大 ~

 

蟹汁 200円

 

好懷念上次係釧路食過那條 [ 一夜干 ], 所以今次特意點來回味一下, 雖然無上次咁好味, 但水準亦不差 ~

 

真ほっけ 700円

 

因為怕浪費, 所以點了五客最輕量級的 [ 三色丼 ] 幫大家打底, 最終這碗表面十分誘人的 [ 三色丼 ] 郤令人失望, [ 蝦 ] 及 [ 蟹子 ] 係好味, 但 [ 帶子 ] 超差, 勁似橡膠, 可能食得太飽, 飯亦剩咗好多, 唯有放棄 ~

 

三色丼 980円

 

該店還有免費 [ 例湯 ] 每人一客, 這個比起 [ 毛蟹湯 ] 還要好飲, 讚 ~

 

 

食得飽飽, 係時候返酒店提走行李, 大家都好心急由札幌展開今次荷包出血之旅 ~

臨離開 [ 三角市場 ] 經過另一間食店, 這間也有網民強力推介過的, 若是人數不多的話, 下次可以試試 ~

 

 

從另一個出口離開, 過咗馬路, 很快走到酒店門前 ~

 

 

居然比我哋遇到之前係 check in 時錯過的 welcome drink, 再次老實不客氣咁拿起來嚐 ~ 哈哈 ~

 

 

這支北海道牛乳相當好味, 可能係免費, 所以覺得份外珍貴 ~

 

 

JR [ 小樽 14:34 ..... 札幌 15:06 ] 620円

 

續 ~