2011北海道Day5.2- 神威岬@積丹半島

2011年8月8日

 

北海道中央巴士- 高速しゃこたん号 [ 島武意海岸入口 11:55 ( 12:07 ) ...... 神威岬 12:24 ( 12:36 ) ] 500円

 

巴士延誤, 搞到我哋又少咗十幾分鐘逗留, 真係擔心唔夠時間行畢全程 ~

 

首先跟地標來張合照, 隨即走上散步徑, 開始踏上 [ 神威岬 ] 的絕景之路 ~

 

 

由散步道至到 [ 神威岬 ] 盡頭, 全程約 770 公尺, 一般遊客需要 20 分鐘行畢, 至於我哋 ......

 

 

由地標開始走到 [ 神威岬 ] 入口, 都已經花咗五分鐘, 望向沒有盡頭的 [ 羊腸小徑 ], 真係要趕快腳步 ~

 

 

先來第一個景點 [ 女人禁制之地。神威岬 ], 以前話唔比女人踏足此地, 依家簡直變咗人氣旅遊景點 ~

 

 

如果遇到颱風或強風的話, 呢個入口會關閉, 唔比任何人進入, 免生意外 ~

 

 

見到條路咁長, 就知道我哋又來一次苦行啦 ~

 

今次終點就係那個遙遠的燈塔, 大家見到無 ? 睇到條路高高低低, 呢次真係大大劑 ~

 

好彩, 經過連日來一次艱苦過一次的辛勞體驗, 對於呢條 [ 羊腸小徑 ] , 只要我哋肯付出無數的汗水及氣力, 相信問題不大 ~

 

 

散步道兩旁風景, 原來走到唔同角度, 就出現唔同靚景, 我哋一路行一路係咁影, 相機都好似未有停過 ~

 

距離入口越遠, 風景就越靚, 海水顏色都變得像 [ 島武意海岸 ] 一樣咁藍, 這就是名副其實的 [ 積丹藍海 ], 真係好靚 ~

 

 

都未見過海水可以藍得咁假, 仲要清澈見底 ~

 

 

行到喘氣, 流晒大汗, 那個遙遠的燈塔終於出現眼前, 呢處就係之前 TVB [ 魚躍在花見 ] 大結局最後出現那幕場景, 其實燈塔無乜特別, 唔知點解特登山長水遠走入來攞景, 真係莫名其妙 ~

 

 

再向前行到盡頭, 就係今日最終景點 - [ 神威岩 ], 近距離現場所見到的大自然力量, 確實奇妙, 望到都有點感動~

 

 

 

睇到呢個地標, 一望就知道自由位置所在, 原來我哋不知不覺間已行咗咁遠水路, 當我一諗起要行返轉頭, 真係有點卻步 ~

 

 

以下兩張就係好耐好耐以前 [ 神威岬 ] 的外貌, 相片相當珍貴 ~

 

 

全程逗留時間只有七十分鐘, 我哋足足花咗三十分鐘行到 [ 神威岬 ] 盡頭, 仲逗留咗十分鐘, 所以只剩三十分鐘時間回程, 若再唔起步, 恐怕巴士都趕唔到, 到時真係唔知點算好, 都係快快離開吧 ~

 

再次踏上這條 [ 羊腸小徑 ], 大家沿路都唔敢傾計, 唔敢影相, 唔敢望風景, 連唞氣都唔敢唞得太耐, 汗一直流, 氣一直喘, 一條氣咁急趕返車駅, 最後居然只係花咗十五分鐘走畢全程, 都有少少意料之外 ~

 

 

見到停車場, 終於可以減慢速度, 繼續前進 ~

 

 

真係好 ~ 見仲有時間剩, 馬上走去獎勵大家, 超級推介這款 [ 積丹藍 ] 雪糕, 見佢顏色怪怪地, 其實都有少少擔心唔好味, 不過, 見大家行到熱死辣辣, 氣羅氣喘, 一場來到, 又點可以唔買來試呢 ~

 

 

趕快影埋張相, 我都忍唔住要大啖大啖咬落去 ~

 

呢支雪糕好好味, 其實味道真係唔識講, 只知道食落好解渴, 有點透心涼感覺, 必食推介 ~

 

 

呢支雪糕真係好味到無朋友, 我哋食完都要上返巴士, 前往下個目的地 [ 日司 ], 去品嚐一頓整個旅程最為期待的一餐 [ 積丹海膽丼 ] ~

 

北海道中央巴士- 高速しゃこたん号 [ 神威岬 13:46 ...... 日司 14:09 ] 470円

 

續 ~