27 May 2012 (Sun)
終於可以開餐啦～
搵咗間網上好多人都有推介的葡式烤雞連鎖店 - NANDO'S，睇過好多網誌都話去英國，一定要食一次葡式燒雞。
以歐洲地方來說，這裡消費唔太貴，附合晒我哋要求，不過最緊要都係食物啱口味，可以填飽肚。
英國好多地方都有其分店，當然 Bath 亦唔例外，大家餓住個肚花咗 7 分鐘由 Bath Abbey 行去 Nando's，搞到又熱又渴，見到門口已急不及待衝咗入去。
這間分店都幾大，景觀亦相當唔錯，最緊要係有冷氣，乜都唔好做，嘆夠先再講。
因為已經到咗下午二點幾，店內人流唔多，仲可以任我哋揀個靚位，最後搵到張近窗邊的大圓枱，超 like ～
睇完餐牌，跟手出去櫃枱點餐，再走到自座吧枱前自動自覺拿取所需餐具及調味料。
這裡賣點之一，便是這些唔同辣度的 Chili Sauce，都係任你揀，任你試。
到汔水可以免費添飲，而冰水更加免費提供，仲有一個體貼的洗水盤，又係超 like ~
因為唔係食得太辣，所以只揀了普通程度的 Chili Sauce 來試試味，大家準備開餐啦～
前後點咗兩份套餐一齊食，一睇就知賣相唔錯，快快影完好開餐。
薯條 : 英國人的指定動作，必定要試。
雞翼 : 大多數團友的至愛，水準之作，味道確實唔錯，讚～
雞全上 : 雞翼及雞肶都好好味，只係嫌棄雞胸肉極到"鞋"口，勿叫。
薯蓉 : 意想不到的極品，真係超級好好味，必食之選。
Chili Sauce : 唔係太啱自己個人口味，試了幾口，都係食返原味啦。
仲有另加兩杯汔水，呢餐總共花了 £35.3，平均每人唔駛港幣 $100，真係超抵，值得推介。
沒有留言:
發佈留言