27 May 2012 (Sun)
睇完個 Roman Baths，又要趕住下個景點，係時候要到皇家新月樓 Royal Crescent 走走。
由羅馬浴池到皇家新月樓走路至少十分鐘，之不過我哋行得比人慢，影得比人多，全程足足花咗廿分鐘有多。
前往途中經過市內一些景點，離開羅馬浴池再過條馬路即見有二佰多年前建造的 Pulteney Bridge，被英國遺產列為一級登錄建築，聽落好似幾有歷史價值。
依家橋上已變成一間間小商店，應該都係專攻遊客生意，我哋無乜興趣，懶得行入去，反而被橋下那條 River Avon 的人工瀑布吸引住，逗留咗一陣影下相。
經過巴斯的大街小巷，左穿右插，又見到另一個旅遊點 － Jane Austen
Centre。
對這位作家唔係太過認識，唔想耽誤時間，只係求其影張相，繼續行程。
沿路向上一直走，終於見到一個大迴旋處，中央種了幾棵巨樹，但相片效果不及現場所睇到咁靚，景觀唔錯～
向前行再轉左，即見一排一排非常壯觀的皇家新月樓，這也被英國烈為一級登錄建築。
除了最右手邊那座名定為 No. 1 Royal Crescent 的博物館外，第 15 及 16 號亦改建為高級酒店 The Royal Crescent Hotel，其餘大部份都係私人物業，已被多部電影及電視節目以該建築為背景。
因嫌博物館入場費貴，所以無入到去，只在外圍欣賞這條被譽英國最高貴的街道。
走到另一邊的皇家維多利亞公園，唔講唔知，原來每逢夏季，這就是超人氣的熱氣球發射地點，只可惜跟我地無縁，無機會現場目睹熱氣球昇空的震撼場面～
沿着公園向下走，見有不少居民在草地上睡覺，放狗，看書，曝曬，談情，說笑等等，這就是西方人的寫意生活，香港很難找到。
準備離開時，看到馬路泊了一部螢光色救護車，顏色好搶，起初還以為警車，見到車前字眼先知道原來係部超小型救護車，真令大家開了眼界。
回到市中心，終於輪到巴斯最後一站，這便是遊客必到，當地超人氣的 Sally Lunn's，這棟餐廳亦是全巴斯最古老的房舍之一。
本打算安排早點於餐廳享用該店人氣爆燈的 Sally Lunn's Bun，順道參觀位於地下室的 Sally
Lunn's Kitchen Museum 博物館，見識一下羅馬時代的廚房建築
(用餐後可免費參觀)。
但由於路線唔順，時間唔啱，唯有安排最後一站。
雖然大家唔係太餓，但都想試試那個當店人氣的 Sally
Lunn's Bun，所以一心諗住叫幾個 Afternoon Tea Set 一齊 share。
到達時差不多接近傍晚六點，本來諗住快脆食埋個 T-Set 走人，但服務員表示現時餐廳只供應晚餐，我地驚住時間唔夠，會食得好趕下，最終都係放棄。
又諗過買個 Sally Lunn's Bun 外賣返 Apartment 試，但總覺得即場熱辣辣放入口會較好味，最終又係放棄。
距離返回倫敦的火車時間還有個多小時，所以決定走到附近的 Costa 坐低飲杯咖啡，解解渴，唞唞氣，爽晒 ～
早咗 45 分鐘到火車站，雖然已經到咗傍晚時份六點幾，但天色好靚，依照藍天白雲，這也是歐州吸引人之處。
是日行程終於告一段落，由晨早到現在直至到呢一刻，大家身上的所有疲累亦切切底底的爆發出來啦。
Bath Spa 19:13 - London Paddington 20:59 (Advance Single £9.5)
所以回程，大家必定在這黃昏低下～大～覺～同～眠～直～達～倫～敦。
沒有留言:
發佈留言