27 May 2012 (Sun)
食飽飽啦～上夠電，再次充滿力量，繼續餘下行程～
由 Nando's 沿路返回 Bath Abbey 再過隔離少少，終於到達 Bath 最具代表性的重頭景點 - Roman Baths Museum 羅馬浴池博物館～
如果好似我地一樣咁有參加過 Scarper Tours，大家記得臨散水前拎張 Proof of Travel Card，仲要記得買 Roman Baths
Museum
入場票既時候，一拼出示，售票員會即時沒收，如果你想留為己念，記住拎多幾張旁身啦～
原先諗住拎一張就可以五人同時享有同等優惠，點不知售票員告知原來要跟人頭計數，最終只有三人享有九折優惠，而其餘兩名團友唯有繳付全費，呢次真係大意～
無拎那兩位團友，唔該下次醒少少啦～
進場後，急不及急待走到上層開始參觀這個二仟年前興建既古羅馬浴池遺址真蹟，見識一下外國人既歷史～
上到上層一睇，景觀又唔同晒，視野好廣闊，仲清楚見到另一邊的 Bath Abbey 原來就係眼前。
雖則已是二仟年前既傑作，驟眼見到大部份原有建築都能保存至今，確實令人佩服～
走到博物館下層，內部亦有展示昔日古羅馬浴池既原有遺跡等文物，值得一睇～
博物館既另一邊，仲可以見到熱騰騰既溫泉水從地下水道流出來，真係熱到出煙，利害利害～
終於走到下層最具代表性既中央大浴池面前作個近距離接觸，每個角落都想睇真啲～
除了中央大浴池外，這邊有個國王浴池，至今還一直湧出溫泉熱水，池面長期出現泡泡，又係利害～
臨離開前，館內亦免費提供溫泉水試飲，明知味道不佳，但一場來到，總要一試～
無錯，再次證明，溫泉水的確難飲，下次再有機會真係唔會再試，信我～
沒有留言:
發佈留言