是日早餐 : 峰大咖啡．目標：咖啡
到峰大咖啡主要係入貨，上次同事買咗峰大咖啡豆返嚟，一試難忘，今次特意前來入貨兼夾為同事補倉，帶返香港慢慢嘆 ~ 
〔團友M〕要去天仁茗茶入貨，我都入咗一两盒自己嘆 ～
〔後話：想買平嘅天仁茶葉，大家可以去台北車站嘅新光三越地下超市，所有茶葉一定平過天仁門市，部份產品更抵至半價，真係講你都唔信，我哋今云真係呻笨呀！
〕
〕
再去黑橋牌掃貨．目標 : 豬肉乾，買3包仲有88折添喎．我何止買3包吖，好重好重好重好重呀．．．
〔團友V〕誓要去老天祿買鴨舌返港，時間尚早，有貨．即入．
趕時間，馬上坐的士到龍山寺絶無分店既李錦利買八仙果．買完即閃．
另話 : 遇上一個識廣東話嘅司機，佢係廣東人，好好傾，仲話可以平啲車我哋出機場，每人NT$200，因為佢屋企係桃園，好近機場，所以平啲都無所謂，最衰我哋晨咁早買咗巴士票，唔係就一定幫襯佢．雖然比起巴士票（NT$125）貴咗少少，但我地一諗到要拎咁多嘢出巴士站，諗起都頭痛．
不過大家如有須要，可直接聯絡 :
入咗好多貨，好鬼重，終於要折返飯店執好行李出機場．執好行李，仲有時間，繼續衝刺．書局街好近飯店，先到附近既褔州世祖胡椒餅，買個医医肚先，〔團友V〕話真係好味到食多個都得，再到對面去食鮮芋仙，〔團友M〕猛話好好味，點解咁遲先發現，否則我哋晚晚買返飯店食都似．．．
褔州世祖胡椒餅 : 即饒河街夜市好出名嗰檔，台北有啲地方都有分店．
鮮芋仙 : 台北好多地方都有分店．〔鳯梨冰勿試，因為真係好多冰．）
最後係書局街畫上句号，返回飯店人連行李拖到國光機場巴士站，路須短，但咁多行李加手提，真係攞到成隻
咁．天氣又焗又熱，行到身水身汗，終於上到車，冷氣唔夠！唉 ．．．向機場出發吧啦．．．．．．
咁．天氣又焗又熱，行到身水身汗，終於上到車，冷氣唔夠！唉 ．．．向機場出發吧啦．．．．．．
〔上車後我哋又諗起的士嘅鴻哥，總之就豪咗嗰三張巴士票，都要堅持踏的士啦．其實都只不過係每人H$30啫，我哋豪得起，坐的士就必定舒適得多啦 !〕
到機場後，發現班機 Delay，so sad ! 我哋仲好早到咗機場，咪有排等囉！
見條隊好長，先排隊check in ，好彩可以調機提早離開，一個無嘢睇嘅機場，早走為妙，台灣．．．我會再嚟架 
沒有留言:
發佈留言