今日去九份，未買火車票，所以未食早餐就要去咗Counter買飛先，搞咗一大輪，終於買咗三張自由席，為免無位坐，所以要早啲上月台．．．霸位．比起日本，台灣嘅火車時間表真係好唔掂，我哋已經上網 download 咗時間表，但都無用，網一套．講一套，最終都係要問入閘嗰個哥仔幾點有車到瑞芳．肚開始餓，落咗地下街搵食，有個 foodcourt 幾好，裡面頗多選擇（山崎麵包．MOSBURGER．STARBUCKS．壽司．沙律．麵．飯之類）
食飽後，上月台等火車，星期五唔係太多人，安全有位坐，因為慢車，要坐成粒鐘，無位就慘啦．
到瑞芳站後，馬上坐的士去九份，公價NT$180，車廂內標明．無得呃．
落車後，直入九份大街，多嘢睇，多嘢食，有特式，值得去睇吓行吓，都幾寫意
．．．
到這一刻，雖然食咗好多嘢，但仍未能畫上句號．就只因為一碗頂頂大名的〔阿柑姨芋圓〕．
阿柑姨芋圓．九份芋圓嘅始祖，必食項目，有好多外國遊客幫襯．從買到食都係自己一腳踼．仲要經過一條好長嘅走廊先有位坐，好似入咗人哋屋企一樣，都幾搞笑，結構〔下舖上居〕．無敵海景，淨賣芋圓都幾嘥．整個芋圓嘅製作過程一目了然，食完仲要自己處理好啲食具．咁都比佢哋諗得到，真厲害！佩服．佩服．
買咗好多手信．拎到手軟．
回程，坐的士返回瑞芳火車站，今次遇到嘅的士司機不妨同大家講吓，一上車已經好主動同我地講嘢，又問我哋嚟咗台北幾日，去咗邊道玩，有時佢自己係到猛咁噏，我哋都唔知佢講乜
??!! 講到咁上下，佢終於表明立場啦，原來佢做好多旅客生意呀，你可以包佢車去玩，佢會車啲遊客去附近出名嘅景點觀光，仲攞咗好多相薄比我哋睇，相入面全部都係佢車人去觀光時拍底嘅，相薄係長時間放係車廂內供乘客觀賞的．作為一種宣傳之用．望落啲相都幾 OK，都信得過嘅，由於我哋已有行程，所以無幫佢，佢就猛話，下次再嚟台北，可以搵佢，佢仲可以車我哋由台北車站到瑞芳一帶觀都得喎，唔駛踏火車，沿路風景好靚，價錢都好合理喎．如有興趣，可以到台北後 Call 佢．仲有網頁，呢個的士阿叔都幾厲害喎．
??!! 講到咁上下，佢終於表明立場啦，原來佢做好多旅客生意呀，你可以包佢車去玩，佢會車啲遊客去附近出名嘅景點觀光，仲攞咗好多相薄比我哋睇，相入面全部都係佢車人去觀光時拍底嘅，相薄係長時間放係車廂內供乘客觀賞的．作為一種宣傳之用．望落啲相都幾 OK，都信得過嘅，由於我哋已有行程，所以無幫佢，佢就猛話，下次再嚟台北，可以搵佢，佢仲可以車我哋由台北車站到瑞芳一帶觀都得喎，唔駛踏火車，沿路風景好靚，價錢都好合理喎．如有興趣，可以到台北後 Call 佢．仲有網頁，呢個的士阿叔都幾厲害喎． |
| 的士觀光旅遊卡片 |
到瑞芳站，終於可以落車啦，月台真係好多人，今次真係要搶位，否則，有排企，原先行程下一站應去〔松山站〕嘅〔饒河街夜市〕再回〔台北車站〕返飯店，但由於大家都行得好攰，個天又時晴．時雨．時太陽，搞到個身好〔縮〕好臭，攰到坐係到都瞓得着，所以決定返回飯店梳洗一番，休息一下，才作打萛．
．．．．．．晚餐．終於決定到飯店附近嘅 Mo-Mo-Paradise，是日套餐，叫咗個和風辣味味噌鍋，牛肉豬肉疏菜任點，任點，店內員工超有禮貌，值得
，食飽飽後，仲有小小甜品（一個果凍，一碟青檸加沙糖，無錯真係青檸加沙糖，就咁放入口，係啲店員特登話比我哋知，超難食呀．
）
，食飽飽後，仲有小小甜品（一個果凍，一碟青檸加沙糖，無錯真係青檸加沙糖，就咁放入口，係啲店員特登話比我哋知，超難食呀．）
九份張師傅餅店 : 買鳯梨酥等其他酥餅首推，新鮮現做，任試任食，老板仲主動比折扣，不經親手包裝衛生，信心保証！值得推介比大家．
，新鮮現做，任試任食，老板仲主動比折扣，不經親手包裝衛生，信心保証！值得推介比大家．
李儀餅店 : 都係現做現賣，隨意試食，老板仲識少少廣東話，不過佢啲阿姐個個都係親手包裝，没有手套没用工具，衛生就麻麻啦．註 : 台北車站有分店．(後話 : 團友M話攞返香港之後, 真係好難食喎!! 好彩我只買咗一盒攞返公司啫...
)
)
沒有留言:
發佈留言