終於等到呢一日 ．．． 向台北出發 ．．．
晨早8點幾到機場等埋〔團友M〕及〔團友V〕，一行三條粉友到台北大吃大喝，一路平安到逹機場，仲係好早，两條粉友仲未到，唯有搵個風水位坐底發呆
．．．點不知無那那近處有好多閃光燈喺到閃閃吓，一望之下，原來係TVB．港姐出埠拍嘢，有啲記者，有啲港姐，有啲真係唔高，又有啲真係頗作狀，我就唔係好識欣賞 
，不過可能有啲好嘢我咁啱睇唔到．．．都唔定．
．．．點不知無那那近處有好多閃光燈喺到閃閃吓，一望之下，原來係TVB．港姐出埠拍嘢，有啲記者，有啲港姐，有啲真係唔高，又有啲真係頗作狀，我就唔係好識欣賞 ，不過可能有啲好嘢我咁啱睇唔到．．．都唔定．
辦公時間 ：每日 08:00 - 20:00
簽證費用 ：港幣$55
驚死無得食，好趕咁食個飽肚嘅早餐，仲要好趕咁搵登機閘口，作死囉！仲要行好遠好遠．．．最終好趕上到機．（原來我哋係最遲嗰三條粉友，差啲要叫咪個隻），上機後，坐位係機尾好篤好篤之處，又係行好遠，安頓後．．．不當的坐位安排，將我同两位超Ｑ粉友分開了，還好機程不遠．算吧啦．．．（原來 ~ 仲乘客未上機．．．）
諗住上機無嘢食，所以早餐都食得幾飽，點不知．．．起飛後不久，就有飛機牌點心提供，真係飽到好想嘔
，一小口也吃不下．．．超嘥！
落機後，眼見地上有两條長．．．龍，一龍係台幣找換Counter，二龍係搞落地簽證Counter，好彩我地係香港做晒，唔晒再排，唔係就真係有排．排啦．．．
攞完行李後，又見倒有個找換Counter居然無人排 
，個對換率同剛剛入面果檔一樣，所以本人認為．．．
，個對換率同剛剛入面果檔一樣，所以本人認為．．．
1. 最抵 : 香港代表．百年找換有限公司
2. 其次 : 台灣代表．台北機場攞完行李後見到見到嗰個找換Counter（雖然個對換率同入面一樣，但勝在唔駛排長龍，快）
到步後，買國光巴士票 NT$125 往台北車站進發，票務員話巴士就快開啦，二話不說，人連行李飛跑上車，我哋又係最後嗰三個呀．．．
巴士到台北車站後，好快搵到酒店，今期入住嘅係．．．
華華大飯店（新館）．交通方便唔在講，我哋呢間三人房，又乾淨時又寬敞，你話爽唔爽，藉得推介比大家下次入住．
梳洗後，馬上踏的士向鼎鼎大名嘅鼎泰豐車埋去．我地揀咗永康街總店嗰間，中午約14:45到逹，唔駛等位，唔敢叫太多嘢，因為條街有幾檔要食．
後話：
小籠飽：必食，好味 
酸辣湯：唔酸唔辣，唔好味
)
行行吓, 忽然落狗屎, 索性踏的士鏟去中正紀念堂捷運站轉淡水綫到淡水老街, 坐咗好耐, 終於到逹, 好彩雨停晒, 放慢腳步慢慢行，仲試咗好多小食，睇下食下，唔驚唔覺天都黑晒，要向淡水講bye bye，交比下一棒 － 士林夜市．．．
淡水老街．街邊好多小食檔，要食哂都好飽．．．
咁啱條老街唔係咁多人，大家都行得好舒服，好悠閒．．．正！
坐捷運到士林，好方便，好快就到，萬無目標，見到想食就食，所以．．．好飽！．．．
見倒檔生果檔，睇落好吸引，咪行埋去幫下，我哋想每樣食少少，同佢講要番石榴，蓮霧，木瓜同埋半杯酸木瓜（記住只係三個女仔嘅份量），都話只係要少少，佢就猛咁切，我哋唔叫停，佢都唔停，諗住比NT$300乜都夠啦，仲想等找錢，點不知居然佢話唔夠錢，仲欠NT$65, 當時我地仲未計萛NT$365即係港紙幾錢，所以都唔識比反應，比完佢之後，大家心一算，不妙了，真的要說．．．有無搞鬼錯．．．@#X&%y 
，呢堆嘢駛唔駛成佰蚊呀 (NT$365/3.8 = H$96)！天啊．．．
，呢堆嘢駛唔駛成佰蚊呀 (NT$365/3.8 = H$96)！天啊．．．
唔該大家認住呢檔嘢呀．．．
之後仲激氣呀，我哋係台北車站啲街邊檔買返差不多相同份量嘅生果，都係番石榴，蓮霧，木瓜，都只不過 NT$50 咋．死未．．．
足足貴咗７倍以上呀．．．講你都唔信?!?!
之後仲激氣呀，我哋係台北車站啲街邊檔買返差不多相同份量嘅生果，都係番石榴，蓮霧，木瓜，都只不過 NT$50 咋．死未．．． 足足貴咗７倍以上呀．．．講你都唔信?!?!
我哋仲發現士林夜市有條類似香港嘅女人街，街中間有好多小販檔擺賣，一要走鬼，佢哋就會好迅速咁向周圍嘅小路四散，散到無影無踪，一無事，又好快出返晒嚟，真係快得好神奇，我哋只不過行咗一陣間，佢哋都已經走咗幾次鬼，真係無得頂，本人十分敬佩佢地嘅專業呀． 不過都幾煩，咗鬼住晒，所以我哋都跟手離開．
坐捷運返回台北車站，步回飯店．z z z z z
註：本來諗住返回台北車站買定明早去瑞芳嘅車票，不幸地，Counter Closed 了．明天再萛吧．．．
沒有留言:
發佈留言