2012英倫 Day 5.1 - King's Cross Station @London UK

30 May 2012 (Wed)

行程一浪接一浪，今日又要早出門，坐成兩小時火車去到英國北部的一個小鎮 York，車費雖貴，好彩早成三個月網上訂購有提前優惠，慳荷包之餘，仲有大把坐位及火車班次比你揀，真讚～

由 Apartment 出發，首先要轉程 Tube 到 King's Cross St. Pancras，再沿行人指示走到 King's Cross Station，初到貴境，終於見識到什麼叫做國家級的火車站，實景真係又大又靚又新淨，在迷人燈光的襯托下，仲以為自己去錯地方添～
 

確定沒有走錯地方，首先到自助取票機拿回車票，取票程序簡單順利，車票亦安全到手～

 

跟住開始四處搵下當站人氣之一的哈利波特之 9又3/4月台，車站雖大，還好給我們輕易找到，可能時間尚早，該景點遊人並不多，最開心係唔駛等位而又可以任影唔嬲～

 

喪影後又走咗去站內的英國人氣朱古力專門店 Hotel Chocolat 潮聖一下，順便買一小盒試食，正考慮大量入貨帶返香港作手信之用～

完成以上各項任務，由於時間實在太多，大家開始周圍睇下影下來打發時間，直至行到無乜地方可以再行，唯有踏上列車月台，呆等至火車埋站及心理準備打後兩小時的火車之旅～

London King's Cross 8:30 -York 10:32 ( Advance Single @£14.6)

慣性開車不久，在車廂內很快便能入睡，有這樣的指定動作全賴每天緊湊的行程所致，加上早起夜睡，正正是我們恢復體力的好機會～

火車之旅接近尾聲，估不到末段沿路風景給我們帶來驚喜，搞到我都忍不住拿起相機影咗幾張，當堂醒晒～

 

除咗風景，仲見到奇景，遠遠望到有幾座巨大煙囪，唔知係垃圾焚化爐定還是工業區，都幾怪相～

 

火車即將到站，心情開始有點莫名其妙的興奮，係時間整理裝束準備下車開始好好享受編排而久的約克一日遊～