日期：6 Feb 2009 (五)
行程 : 香港 à 東京 (成田) /
東京 (成田) à
札幌
航班 : ANA NH912 香港 9:55 à
東京(成田) 14:45 / 19:00 à 札幌
20:40
Package : $5330 包兩晚酒店 +
$630 稅項及燃油附加費 = $5960
早上一行五人約咗八點係香港機場集合, 馬上去 counter check in, 之後食咗少少早餐,
因為等陣上機仲有得食. 不過可能興奮得滯, 無乜胃口, 飛機餐都只係食咗少少.
請留意 : 原來香港可以一次過幫你 check in 埋東京去札幌嗰程飛機, 不過只係幫你出張香港嘅
boarding pass, 至於行李就要自己係成田攞返, 到步後, 再去當地 counter, 出示香港發出嘅 boarding pass (東京 - 札幌)
同埋自已嗰件勁大行李比埋當地嘅工作人員 check in 多一次, 好快搞掂, 就連香港 Passport 都唔駛攞出嚟, 真係好方便㗎.
可能金融海嘯嘅關係, 機唔爆, 位好吉, 簡直可以打横係到瞓都無人理你. (唉~枉我之前仲
wait 咗咁耐添)
係東京(成田)轉機, 有4個鐘嘅 break, 首先馬上攞返行李,
再辦理check in.
之後就去搵 JR東日本旅行服務中心 買張 5日用嘅 Hokkaido Rail Pass 先 (18000円 x 5), 當然呢張 Pass 亦可以係北海道各大城市購買, 但因我哋時間實在太多,
出咗先無死. 註 : 北海道 Rail Pass 有分 3日, 5日, 任選4日, 但呢間就無得賣任選4日,如果大家轉機時間多到嘔的話, 建議係到購買.
出外靠問路, 所以我哋好快搵到啦. 因為當時無乜人, 我哋又做定晒功課, 唔駛半個鐘, 就出晒 5 張 Rail Pass 同埋之後所需嘅車票, 真係講你都唔信. (曾經係網上睇過, 係新千歲場站出 Pass + 車票, 要成個鐘頭先可以搞掂喎)
我哋好無聊, 一齊勁影相,
嘗試係唔同角度練習下影相, 啲人睇到都好笑.
諗住呢底有我哋份, 點不知又要再等下一底, 唉 ~ 真係越睇就越肚餓呀
!
睇睇下, 發現原來日本店啲料, 真係真材實料, 寧捨唔同, 睇到口水都流
!
食完之後, 係成田機場周圍行下, 仲比我哋發現有啲好似 "shit"
嘅嘢食添喎
以上影咗咁多無聊嘢, 就知道當時我哋有幾無聊啦~ 終於捱到上機,好快到札幌嘅新千歲空港,但比原定時間 delay 咗半個鐘呀!
由空港到札幌仲要坐成 30 分鐘火車先到 (21:50 發 22:29 着,
1040円自由席), 車廂勁熱, 忍咗好耐, 終於到咗札幌, 攞出地圖, 猛搵"東橫inn札幌駅北口"出錯駅口, 外面仲有飄雪,
搵咗一陣, 好快比我哋搵到. (相片於日間補影)
全國嘅東橫inn都係無三人房的, 所以我哋要訂 2 間雙人房 + 1
間單人房.
各個設備都好新淨, 唯獨放行李的位置比較細, 但一定要讚東橫嘅 Lobby,
放咗幾部電腦供給客人免費任用, 仲有 Colour Printer 免費任 print,
速度又快. 啱晒我哋呢挺自悠人享用. 用嚟 check下天氣, 火車時間等等, 認真無得彈.
放抵行李, 馬上外出覓食, 因時間不早, 諗住求期有嘢入肚就萛,
點不知居然比我哋見到 target 之一的食店 "初代一国堂",
因為呢間拉麵店係札幌有好多分店, 有啲仲會開得好夜添, 我哋二話不說, 入去先講
!(相片於日間補影)
咁啱店內有個中國人, 我哋用國語落單, 好方便, 呢間地方好細.
一眼睇晒.
我叫咗碗醬油拉麵, 麵質好滑, 但湯底偏鹹, 你睇嗰件叉燒肥到...
(7xx円)
另叫咗客餃子 share 嚟食, 味道OK, 但無驚喜,
普通咗啲.
全團總結 : 全部拉麵嘅湯底都徧鹹, 麵質尚可.
餃子普遍.
當晚食咗呢餐, 都已經唔早, 仲要返酒店沖涼洗臉先可以瞓, 好彩我哋要連續入住两晚, 否則,
必定掂得好夜. 第二日朝又要早起. 都係早啲瞓囉.
下期預告：全程最黑仔的一天．．．
沒有留言:
發佈留言